Kinderombudsman i Nationale ombudsman ta tene konsulta pa siudadanonan na Boneiru
Di 8 pa 11 di novèmber, un tim di Nationale ombudsman i Kinderombudsman lo ta na Boneiru atrobe pa tene konsulta. Siudadanonan por pasa pa hasi pregunta òf entregá un keho tokante instanshanan (gubernamental). E servisio akí ta gratuito.
Personanan ku tin pregunta òf keho tokante por ehèmpel Entidat Públiko, Servisio di Impuesto (Belastingdienst), polis, IND, akohida di mucha òf skol por pasa durante e oranan di konsulta.
E konsultanan lo tuma lugá riba e siguiente momentunan:
- Djárason 8 di novèmber di 09:00 or te 11:30 or na Jong Bonaire
- Djaweps 9 di novèmber di 14:30 or te 16:30 or na Fundashon Cocari, Rincon
- Djasabra 11 di novèmber di 09:00 or te 11:30 or na Jong Bonaire
Durante tur konsulta por papia papiamentu, hulandes, spañó òf ingles.
Entregá keho òf hasi pregunta semper ta posibel
Esnan ku no por pasa durante e oranan di konsulta, por hasi nan pregunta òf entregá nan keho tambe di otro maneranan.
Na Nationale ombudsman:
- Telefónikamente riba number +31 70 356 35 63 (alkansabel di djaluna pa djabièrnè te 11:00 or)
- Via WhatsApp riba number +31800 33 55 555
- Pa medio di e formulario pa keho riba nos wèpsait
Na Kinderombudsman:
- Telefónikamente riba number +31 70 8506 995 (alkansabel di djaluna pa djabièrnè te 11:00 or)
- Via WhatsApp riba number +31 6 27 24 52 79
- Mandando un koreo elektróniko na ombudswerk@kinderombudsman.nl