Splikashon di Plan di Paso E mihó desishon pa mucha

Tin adulto ku ta tuma un desishon importante tokante bo? Den paso 1 nan ta mira kiko ta importante pa bo. Abo mester por pensa huntu tokante di esaki. Esaki ke men ku ta papia ku bo tambe i ku ta skucha bo tambe. Naturalmente nan mester sa ken bo ta. I espesialmente kiko bo ta haña importante pa awor i den futuro. Kiko bo tin mester di dje aktualmente den bo bida? Bo interes ta para dilanti.

Despues nan ta mira kiko mas ta importante pa tuma un bon desishon. I kiko otronan ta haña di esaki. Esaki ta sosodé den paso 2. Por ehèmpel si tin sèn, kiko ta e deseonan di bo mayornan (di kriansa) i ki lèinan i reglanan ta importante den bo situashon. Ta pone tur esaki kla den un bista general.

Ta kla kiko ta e mihó pa bo i kiko ta importante pa otronan? E ora ei den paso 3 ta tuma e desishon. Ta kompará loke ta e mihó pa bo ku loke ta importante pa otronan. Kiko ta konta mas tantu i pakiko?

No ku palabra difísil sino ku palabra ku bo por komprondé. Si e desishon no ta esun di mihó pa bo, mester splika e eskoho èkstra bon. Di bèrdat no tin un otro manera? Di bèrdè bo no ta di akuerdo ku e desishon? E ora ei bo mester sa si bo por hasi algu kontra i si t’asina, kiko anto i ken por yuda bo ku esaki.