Tokante kiko e desishon ta trata?
Kiko ta importante pa ami den e desishon akí?
A tene kuenta …
ku ken ami ta?
Nan informashon tokante ami ta kompleto? Nan sa di unda mi ta i nan sa tur kos ku mi lo ke konta otro hende tokante mi mes?
ku loke ta di gran importansia pa mi, awor i den futuro?
Por ehèmpel: ku mi ke biba serka mi mayornan, pasa tempu ku mi amigunan, hasi deporte òf kuido médiko den bisindario?
ku kiko ami ta haña e mihó solushon tokante mi mes?
ku mi por biba serka e persona(nan) ku ami ke i si mi por mantené kontakto ku hendenan ku ta importante pa mi?
Por ehèmpel hende ku semper ta pará kla pa bo i ku ta stimá bo manera bo mayornan, wela òf tawela, ruman, bisiña òf amigunan.
ku e lugá kaminda mi ta sinti mi mas seif i kaminda nan ta kuida mi bon?
ku (taba)tin kosnan difísil ku a pasa den mi bida?
Nan sa ku mi a pasa den kos fèrfelu?
ku kon mi ta sinti mi aworaki? Si mi ta sinti mi bon òf no?
ku e echo ku mi ta sufri di limitashon, enfermedat òf debilidat?
ku e echo ku mi tin problema di salú? Nan sa si mi tin akseso na bon yudansa òf kuido médiko?
ku mi ta bai skol òf si mi ta studia na un lugá ku ta kuadra ku mi?
Kon a tuma e desishon ei?
Nan a duna mi sufisiente informashon?
Promé, durante i despues ku nan a tuma e desishon?
mi tin ful komprenshon di tur informashon ku mi a risibí i di loke ta bai pasa?
mi por a hasi pregunta tokante tur kos ku ta bai pasa?
I despues ku mi a puntra, nan a splika mi bon?
I awor mi tin ful komprenshon di loke ta bai pasa?
I awor mi tin ful komprenshon di loke ta bai pasa?
ta tene kuenta ku mi derechonan?
A hasi sigur ku mi mes sa kiko mi derechonan ta?
durante e entrevista tokante e desishon, mi tabata sinti mi sigur i kómodo?
I si e entrevista a tuma lugá na un lugá ku tabata agradabel i seif pa mi?
ku di berdat mi por a duna mi opinion tokante loke ta importante pa ami?
mi a wòrdu tratá bon i ku respèt?
nan a skucha mi berdaderamente, si nan a tende loke ta importante pa mi di berdat?
Nan a tuma mi serio?
a splika mi e desishon di manera bon kla?
mi sa kiko mi por hasi ora mi no ta di akuerdo ku e desishon tumá?
Hopi biaha bo kontesta tabata ‘no’?
Si bo a kompletá e lista i ta sali ku bo a kontestá ‘no’ riba hopi pregunta, por ta ku e persona ku ta bai tuma desishon no konosé bo sufisientemente bon pa tuma e desishon korekto. Ta importante ku e adulto ta tene bon kuenta ku bo. P’esei mester splika e adulto akí kiko ta importante pa abo. Kisas bo ta preferá hasi esaki huntu ku un persona ku abo ta konfia.
Bo mes kuminsá traha numa!
Bo tin duda òf bo mester di yudansa?
E Ombudsman pa mucha gustosamente ta pensa huntu ku bo. Yama +31 70 8506 995, mail ombudswerk@dekinderombudsman.nl òf bai kinderombudsman.nl.