Kon mi ta usa e pasonan aki den mi trabou komo profeshonal?

Desishon den 4 paso

"Ku un plan asina probablemente nos lo a inkorporá espasio na momentu di tuma un desishon difísil i nos lo tabatin mas espasio."

- Un partisipante di un pilot yudansa i plan di paso

Aki bou nos ta splika bo kon bo ta manehá un desishon den 4 paso di mihó. Man na obra ku e Plan di Paso E mihó desishon pa e mucha!

Stap1 0

1

E interesnan di e mucha

Investigá kiko ta e di mihó pa e desaroyo di e mucha i envolví e mucha den esaki.

E Komité di Derecho di Mucha ke pa tur profeshonal i instansha investigá segun e mésun metodologia kiko ta di mihó pa e mucha. Aki bo ta mira e karakterístikanan spesífiko di e mucha, su famia i su ambiente di biba. A base di artíkulo for di e Tratado di Derecho di Mucha e komishon a redaktá e siguiente checklist.

E siguiente 7 puntonan semper mester bini bèk den bo investigashon:

  1. Identidat di e mucha
    Tokante ken bon mirá e desishon ta trata? Tene kuenta ku e mucha, pensa aki entre otro na religion, kultura, sekso i edat.
  2. Opinion di e mucha tokante e situashon i e desishon ku lo tuma
    Kiko e mucha mes ke i pakiko?
  3. Mantenshon di e ambiente di famia i kontaktonan importante
    Kiko e desishon ke men pa esun kaminda e mucha ta biba i pa e kontakto ku personanan importante den bida di e mucha?
  4. Kuido, protekshon i seguridat
    Ki influensha e desishon tin tokante e protekshon, kuido i seguridat di e mucha?
  5. Mucha vulnerabel òf situashon ekstraordinario
    Kon mester tene kuenta ku partikularidat èkstra manera un limitashon, trouma, státùs sosial òf un kosiente di inteligensia abou òf haltu?
  6. Derecho di e mucha riba salubridat 
    Kiko e desishon ke men pa e mucha su salú?
  7. Derecho di e mucha riba enseñansa
    Ki influensha e desishon di sigui enseñansa (adekuá) tin?

Segun bo investigashon den e promé paso aki bo ta determiná kiko ta e di mihó pa e desaroyo di e mucha, banda di tur otro kos ku tambe ta pasando. Den esaki bo ta traha un balorashon di e konsekuenshanan di e desishon pa su futuro, tantu riba término kòrtiku komo largu.

Ainda bo no ta haña esaki fásil?

E ora ei pa bo investigashon huntu ku e mucha usa nos tools, manera e Kuestionario: Kiko mi ta haña importante? Di e manera aki huntu ku e mucha bo por investigá su situashon i haña sa kiko e ta haña importante.

Segun bo investigashon den e promé paso aki bo ta determiná kiko ta e mihó pa desaroyo di e mucha. Banda di tur otro kos ku tambe ta pasando. Den esaki bo ta traha un balorashon di e konsekuenshanan di e desishon pa su futuro, tantu riba término kòrtiku komo largu. 
 

Meer informatie over

E interesnan di e mucha

Minder informatie over

E interesnan di e mucha

Stap2 0

2

Otro interes

Klasifiká kua interes tambe ta hunga un ròl.

Banda di e interesnan di e mucha bo tin di hasi ku otro interes tambe. Por ehèmpel kiko ta e deseonan di e mayornan, kiko e organisashonnan relatá ke i si tin sufisiente sèn pa e solushon deseá. Tambe por tin lei i regla ku ta forma un opstákulo pa e mihó solushon pa e mucha. Traha un lista di tur ‘interes no di mucha’ ku bo mester tene kuenta kuné den bo desishon. Esakinan por ta kontra e interes di e mucha.

Meer informatie over

Otro interes

Minder informatie over

Otro interes

Stap3 0

3

Konsiderá e interesnan

Konsiderá kiko ta e mihó pa e desaroyo di e mucha i kiko mas ta importante. Pone e interes di e mucha dilanti den e kaso aki.

Ta kla kiko ta e di mihó pa (e desaroyo di) e mucha i ki otro interes tambe ta relevante? E ora ei a base di e informashon aki bo por elaborá un kantidat di posibel desishon. Ora despues bo tuma un desishon, bo ta splika kla tambe pakiko bo a tuma e desishon aki. Den bo motivashon menta tur faktor ku bo a tene kuenta kuné i kon bo a konsiderá esakinan banda di otro. I  reuní i klasifiká kon e interes di e mucha ta bini bèk den bo desishon. Ora bo tuma un desishon ku no ta esun di mihó pa e mucha bo mester motivá bo eskohonan èkstra. Di bèrdat no tin niun otro manera?

Meer informatie over

Konsiderá e interesnan

Minder informatie over

Konsiderá e interesnan

Stap4 0

4

Splikashon di e desishon

Palabrá e desishon ku e mucha i konta e mucha si e por hasi algu kontra di esaki si e no ta di akuerdo, i si ta asina, kiko.

Splika kada desishon importante na idioma ku e mucha por komprondé. No konta solamente kua desishon ku bo ta bai tuma, sino splika tambe kon bo a tuma e desishon i na ki manera bo a tene kuenta ku e mucha. E mucha no ta di akuerdo ku un desishon? E ora ei kont’é si por hasi algu kontra di e desishon i si t’asina, kiko e mucha òf su mayornan por hasi kontra esaki.

Meer informatie over

Splikashon di e desishon

Minder informatie over

Splikashon di e desishon