Nos ta sigui traha i nos ta alkansabel
Mas ku klaro ainda nos ke sa kon ta bai ku mucha- i hóbennan na e islanan. Pues manda nos un e-mail na momentu ku bo tin pregunta pa Ombudsman pa mucha. Nos ta traha for di kas anto nos ta alkansabel.
Abo komo mayor, profeshonal den eseñansa, kuido (pa hóben) òf por ehèmpel polis, tin pregunta òf keho tokante e situashon di mucha- òf hóbennan na e islanan? Por fabor laga nos sa pasó nos ke sa.
Kuida otro
Pa tur hende na e islanan ta keda konta: kuida otro. Sigur awor. Banda di kuida hende grandi i esnan ku ta malu, ta hustamente awor e muchanan di Hulanda Karibense por usa tur yudansa ku ta posibel. Pa tur hende e tempu akí ta unu difísil ku mashá inseguridat. Mayornan ta preokupá pa ku nan salú i nan entrada. Di ripiente gran parti di dia mucha- i hóbennan ta na kas ku nan mayornan, ya komo mayoria di skolnan ta será. Esaki por sòru pa situashonnan tenso. Banda di esei no ta tur mucha tin akseso na un kòmpiuter òf lèptòp i internèt na kas. Anto p’esei nan no por hasi trabounan di skol na kas.
Pa muchanan ku un situashon ménos bon na kas, aworaki no ta posibel pa tuma distansha, maske ta pa un ratu, ya komo ku nan no por bai skol. Muchanan ku tin mayornan den proseso di divorsio, mayornan ku problemanan finansiero òf muchanan ku ta víktima di violensia doméstiko hopi biaha no por bai niun kaminda.
Tambe na e islanan di reino lástimamente tin mucha ku no tin un dushi hogar. Aworaki nan ta más vulnerabel, pues kuida otro ainda mas awor.
Margrite Kalverboer, Kinderombudsvrouw.
Kon mi por tuma kontakto ku e tim di Ombudsman pa mucha?
Manda nos un e-mail via ombudswerk@dekinderombudsman.nl. Nos lo reakshoná mas pronto ku ta posibel.